Berriak

Iran Asiako selekzio indartsuenetarikoa da. Hiru Munduko Kopa jokatu ditu, azkena 2006an. Era berean, hiru aldiz izan da Asiako txapelduna. 1968 eta 1978 artean jokatu ziren hirurak irabazi zituen. Bestalde, selekzioko bi izar nagusietakoak Osasunan jokatzen dute: Javad Nekounamek eta Masoud Shojaeik. Lehenak sendotasuna ematen dio zelai erdiari. Selekzioko erreferentzia nagusietako bat da. Bigarrena, berriz, jokaldi harrigarriak egiteko gai da aurkariaren area inguruan.